Menejimenti ya Mamlaka ya majisafi na usafi wa Mazingira singida (SUWASA) ikiongozwa na Mkurugenzi Mtendaji Mha. Ramadhani Mtindasi leo tarehe 17.06.2027 imekaa kikao na Mzabuni kutoka "Picovolt Company Limited" Bw. Ogavian Ndago.Lengo la kikao hicho ni kumtaka mzabuni huyo Kutekeleza kwa uharaka Majukumu yake ikiwa ni pamoja na kusuppy pump mbili za Kisima Cha Utemini na Uhasibu .Aidha Mkurugenzi Mtendaji amemueleza mzabuni kuwa mara  baada ya kumaliza Kusupply Pump ndani ya muda uliopangwa na kwa kuzingatia ukataba wa utekelezaji mradi huu unategemewa kukamilika Julai 25, 2026, Mkandarasi ameshauriwa kuanza utaratibu wa kuomba nyongeza ya muda wa utekelezaji wa mradi taratibu zitafuatwa kuona kama anastahili kuongezewa muda kulingana na sababu ziatakazo tolewa kuweza kukamilisha kazi hiyo.Aidha Mkurugenzi Mtendaji Mha. Ramadhani Mtindasi ameitaka timu yote ya Ufundi kuhakikisha inafanya kazi zote zilizosalia  haraka iwezekanavyo ili kukamilisha visima hivyo viwili Kwani vikikamilika vitaongeza uzalishaji wa Maji na kupunguza shida ya Maji katika maeneo yenye shida na kupunguza Mgao Mkali wa Maji kwa maeneo yenye Mgao wa Maji.##kazinaututunasongambele.

Aliyekuwa Mkurugenzi Mtendaji wa Mamlaka ya majisafi na Usafi wa Mazingira Singida (SUWASA) Bw. Sebastian V. Warioba akiwa na Mkurugenzi Mpya Mhandisi Ramadhani Mtindasi na Menejimenti ya Mamlaka ya Majisafi na Usafi wa Mazingira wamefanya kikao cha  makabidhiano ya Ofisi leo tarehe 11.06.2026 mara baada  ya kuteuliwa kituo kipya cha kazi na Mh. Waziri wa Maji Jumaa Awesso kwenda kuwa Mkurugenzi Mtendaji Mamlaka ya maji safi na usafi wa Mazingira Sengerema(Seuwasa)Bw. Sebastian V. Warioba pamoja na Management yote ya Suwasa wamemkaribisha Mkurugenzi Mpya Mha. Ramadhani Mtindasi katika Mamlaka ya Majisafi na Usafi wa Mazingira Singida (SUWASA) na kumsihi aendelee kufanya kazi Kwa bidii ili kufikia Malengo ya SUWASA Kwa Wateja wa Singida kwani Singida wanahitaji sana Huduma yake. Pia wamemtakia kila la Kheri katika Majukumu yake Mapya ya Kazi na kuishi vyema na Watumishi.Aidha Mkurugenzi mpya  Mh. Ramadhani Mtindasi amepokea Vema ukaribisho huo na Kumshukuru Bwa Sebastian V.Warioba Kwa kumkaribisha vema SUWASA na kumuahidi kuwa atafanya kazi Kwa bidii ili kufikia Malengo ya WanaSingida na kuhakikisha huduma ya Majisafi na usafi wa Mazingira inakuwa endelevu. Pia ameiomba  Menejimenti ya SUWASA kuwa na  ushirikiano katika Kutekeleza Majukumu yake Mapya ya Kazi kwani yeye amekuja kufanya kazi na Watu Kwa Upendo na  Kwa Ushirikiano.Nae Kaimu Mkurugenzi wa Huduma Kwa Wateja Ndg Hosea JP. Maghimbi amemshukuru Bw. Sebastian  V. Wariob...

Watumishi wa Mamlaka ya majisafi na Usafi wa Mazingira Singida Siku ya jana tarehe 08.06.2026 wameshiriki katika mafunzo ya mfumo wa utendaji wa kazi kidijitali uitwao e-office yaani Ofisi ya Kieletroniki yaliyofanyika katika Ofisi za Suwasa zilizopo Utemini.Mafunzo hayo yameendeshwa na Mkufunzi aitwayeAlly Athumani Ally ambaye ni Afisa Tehama wa Wakala wa Serikali Mtandao yaani "eGA" Makao makuu Dodoma.Mafunzo hayo yamelenga kuwajengea uwezo watumishi katika kufanya kazi kidijitali kupitia mfumo huo ili kuboresha utendaji, kuokoa muda na kupunguza matumizi ya karatasi kwani kazi nyingi za kawaida zinafanywa kwa kutumia kompyuta, simu na   mtandao Aidha ameeleza kuwa kazi kubwa ya Ofisi ya Kielektroniki  ni pamoja na Kubadilisha kazi za karatasi  kuwa digital. ili kufanya kazi iwe haraka, isiyo na ufisadi na inayofuatiliwa. Pia inaongeza uwazi na kupunguza gharama kwani mtumishi anaweza kufanya kazi akiwa mahala popote.Aidha ameitaka Suwasa kuanza kutumia mfumo huo ili kuboresha utoaji wa huduma kwa wananchi wa Singida. ##kazinaututunasongambele.

  Jana Tarehe 21 Mei 2026, Mhe. Mkuu wa Mkoa wa Singida Halima Dendego akiwa ameambatana na Kamati ya Ulinzi na Usalama ya Mkoa wa Singida, amefanya ziara kwaajili ya ukaguzi wa miradi mbalimbali ya maendeleo ambayo  inayotarajiwa kuzinduliwa, kuwekwa jiwe la msingi pamoja na kutembelewa na Mwenge wa Uhuru kwa mwaka 2026 katika Halmashauri ya Manispaa ya Singida.Ziara hiyo imelenga kuhakikisha miradi yote inayopitiwa na Mwenge wa Uhuru imekidhi viwango vyote  vya ubora  pamoja na kuendana na thamani halisi ya fedha za Serikali katika kuwahudumia wananchi.Katika ziara hiyo Mradi wa SUWASA ambao  umekaguliwa ni Mradi wa Uboreshaji wa Huduma ya MajiSafi uliopo kata ya Mtipa katika eneo la Mtipa Mashariki. Katika ziara hiyo, Mhe. Dendego alisisitiza umuhimu wa kuzingatia usafi wa mazingira katika maeneo ya miradi na  kuhakikisha ubora wa utekelezaji wa mradi.Aidha, alieleza kuwa Mwenge wa Uhuru unaendelea kuwa chombo muhimu cha kuhamasisha maendeleo, uwajibikaji na ushirikishwaji wa wananchi katika miradi yenye tija kwa jamii.#Kazinautu tunasongambele #

Mamlaka ya Majisafi na Usafi wa Mazingira Singida (SUWASA) imeshiriki maadhimisho ya sikukuu ya wafanyakazi yaani Mei Mosi Iliyofanyika kimkoa katika uwanja wa Bombadia ambapo hii ni kuimarisha  uhusiano na mshikamano thabiti baina ya  wafanyakazi wake.Mgeni rasmi katika maadhimisho hayo, Mkuu wa Mkoa wa Singida, Halima  Dendego, amewapongeza watumishi wote wakiwemo wa SUWASA kwa kuendelea kufanya kazi kwa bidii na weledi na kuhakikisha wanamsaidia Rais katika kuwatumikia wananchi hali inayochangia kuboresha utoaji wa huduma kwa wananchi.Katika tukio hilo, Mkuu wa Mkoa alipata fursa ya kuwatunukia vyeti watumishi hodari kutoka taasisi mbalimbali, wakiwemo watumishi wa SUWASA. Watumishi hao walitambuliwa kwa juhudi zao, nidhamu na utendaji bora kazini, hatua inayolenga kuhamasisha hari ya kazi na kuongeza ufanisi katika utoaji wa huduma kwa jamii.Aidha, jumla ya watumishi wanne (4) kutoka SUWASA wametunukiwa vyeti vya kutambua uhodari wao katika utendaji wa kazi ambapo  Vyeti hivyo vimetolewa kama ishara ya kutumbua  na kuthamini mchango wao katika taasisi.Akizungumza wakati wa utoaji wa vyeti, Halima Dendego aliwahimiza watumishi hao pamoja na wengine kuendelea kufanya kazi kwa bidii, weledi na uwajibikaji ili kuhakikisha wananchi wanapata huduma bora za maji.Kaulimbiu ya maadhimisho hayo ilikuwa:“Kazi zenye staha ni nguzo imara kwa maendeleo endelevu katika utekelezaji wa Dira ya Taifa 2050.”

Mamlaka ya maji safi na usafi wa Mazingira singida (SUWASA) jana tarehe 27.04.2026 imetoa Elimu juu ya utunzaji wa miundombinu ya maji katika eneo la unyambwa.Elimu hii imetolewa kufuatia kujitokeza kwa uharibifu wa miundombinu ya mabomba wa mara kwa mara katika eneo hilo hali iliyopelekea wananchi kukosa huduma muhimu ya maji na kusababisha hasara kubwa ya fedha kwa Mamlaka. Aidha Wataalamu   kutoka Suwasa  kwa kushirikiana na viongozi wa mtaa akiwemo Ndg Selemani Hassan Ikingu  Mwenyekiti wa kitongoji Cha Mangua Mpyughu Unyambwa wametoa rai kwa wananchi na kuwaasa kuacha mara moja vitendo hivyo vya uharibifu wa miundombinu ya maji na kuhakikisha wanakuwa mstali wa mbele kuilinda kwani ni kwaajili ya faida yao na jamii kwa ujumla.Pia wataalamu wa Suwasa walishauri kiundwe kikundi shirikishi kwaajili ya kuzunguka maeneo yote yenye  miundombinu ya maji ili kuondoa changamoto hizo zinazojitokezaAidha wameeleza kuwa kwa uharibifu uliofanyika Mamlaka inaendelea na utaratibu wa Matengenezo ili kurejesha huduma ya maji safi na Salama kwa wananchi wa Unyambwa.##Kazinautu tunasongambele